Жәнібек ауданы облыстың оңтүстік – батыс бөлігінде орналасқан, Ресей Федерациясының үш ауданымен шекаралас жатқан аудан. Өңірдің ауыл шаруашылық, кәсіпкерлік, инфрақұрылым салалары серпінді дамуда. Жылдан – жылға ауданда заман талаптарына сай келетін жаңа білім беру ошақтары, спорттық және мәдени – сауықтыру нысандары іске қосылып, жөндеуден өткізілуде. Елді-мекендердің келбеті көркейіп, тұрғындардың әлеуметтік жағдайы жақсаруда. Ауданның оқушылары, спортшылары мен көркемөнерпаздары түрлі деңгейде ұйымдастырылатын байқаулар мен сайыстарда жоғары орындарға ие болуда.

Жәнібек ауданы әкімдігінің ресми сайты арқылы сайтқа келушілер ауданның тарихы туралы мағлұмат алуға, қазіргі кездегі өңірдің әлеуметтік – экономикалық жағдайы жөнінде және аудан аумағында атқарылып жатырған жұмыстар туралы ақпарат алуға, өзін толғандыратын мәселелер бойынша ұсыныстар, сын – пікірлер беруге, сондай-ақ қойған сұрақтарына жауап алуға мүмкіндік алады.

Подробности

 Жарияланды: 05 Маусым 2017

 

2 маусым күні аудан орталығында 4 маусым -ҚР Мемлекеттік рәміздерінің 25 жылдығына орай автошеру ұйымдастырылды. 25 жылдық мерейтойға байланысты 25 көк байрақ желбіреткен көліктер ауылдың бірнеше көшелерімен жүріп өтіп, аудандық мәдениет және демалыс саябаққа тоқтады. Саябақта шара «Рәміздерім Тәуелсіздік тұғырым» әдеби-сазды кешке ұласып, шара барысында жиналған жұртшылыққа «Мемлекеттік рәміздер әр елдің мақтанышы» атты ашық аспан астында кітап көрме таныстырылды.